Мазкур форумда ҳукумат вакиллари, БМТ, Жаҳон Банки, БМТ тараққиёт Дастури каби халқаро ташкилотлар ва молия институтлари, турли тадқиқот марказлари экспертларидан иборат 300 нафардан ортиқ иштирокчилар қатнашдилар.
Форумнинг ялпи мажлисида ижтимоий-иқтисодий ва сиёсий-ҳуқуқий соҳалардаги халқаро рейтинг ва индексларда мамлакатимизнинг ўрни, шунингдек, халқаро майдондаги имиджини яхшилаш бўйича кейинги йилларда эришилган ютуқлар ва бу борада олиб борилаётган саъй-ҳаракатлар ҳақида сўз борди.
“Экологик муаммоларга ечимлар” панель сессиясида Давлат экология қўмита раиси ўринбосари Ж.Казбеков Ўзбекистонда атроф-муҳит муҳофазасининг барча йўналишларида олиб борилаётган чора-тадбирлар ва ташаббуслар ҳамда амалга оширилаётган ишларнинг экология соҳасидаги халқаро рейтинг ва индексларга таъсири мавзусига бағишланган маъруза билан қатнашди.
