Xalqaro hamkorlik
Xalqaro hamkorlik
Qidiruv
Жорий йилнинг 13 май куни Ўзбекистон Республикаси Экология ва атроф-муҳитни муҳофаза қилиш давлат қўмитаси БМТ Тараққиёт дастури билан ҳамкорликда “Стокгольм +50: Умумий фаровонлик учун соғлом сайёра – бизнинг масъулиятимиз, бизнинг имкониятларимиз” мавзусидаги халқаро йиғилишга тайёргарлик кўриш бўйича тўртинчи (якунловчи) миллий давра суҳбатини ташкил этди.
Гибрид форматида ўтказилган ушбу давра суҳбатини Давлат экология қўмитаси раиси ўринбосари Ж. Казбеков очиб берди ва кейинги йилларда Ўзбекистонда экология ва атроф-муҳит муҳофазаси йўлида кенг кўламдаги ишлар амалга оширилаётганини алоҳида таъкидлади.
13. 05. 2022
Xalqaro hamkorlik
Жорий йилнинг 9 май куни Давлат экология қўмитаси делегациясининг Гланд (Швейцария) шаҳрида жойлашган Рамсар Конвенцияси Котибиятида Осиё минтақаси бўйича катта маслаҳатчи жаноб Бэом-сик Воо билан учрашуви бўлиб ўтди.
   Учрашувда томонлар Рамсар конвенцияси рўйхатига киритилган Ўзбекистоннинг  тўртинчи объекти бўлиши кутилаётган Судочье кўлининг жаҳон рўйхатига номинацияси ҳолатини муҳокама қилдилар.Маълумот учун: Халқаро аҳамиятга эга бўлган сув-ботқоқ ерлар тўғрисидаги Рамсар конвенцияси 1971 йил 2 февралда Рамсар (Эрон) шаҳрида қабул қилинган.
13. 05. 2022
Xalqaro hamkorlik
Давлат экология қўмитаси ҳузуридаги Давлат экологик экспертизаси маркази ҳамда “UzAssystem” қўшма корхонаси ҳамкорлигида “Ўзбекистоннинг маҳаллий экологик стандартларини модернизация қилиш” мавзусида семинар-тренинг ташкил қилинди.
  Семинарнинг очилишида Давлат экология қўмитаси раиси ўринбосари Ж. Казбеков иштирок этиб, мамлакатимизда атроф-муҳит муҳофазаси борасида амалга оширилаётган кенг кўламли ислоҳотлар жараёнида халқаро талаблар даражасида иш олиб бориш ҳам давр талаби эканини таъкидлади.
11. 05. 2022
Xalqaro hamkorlik
Жорий йилнинг 5 май куни Давлат экология қўмитаси вакилларидан иборат делегациянинг Тожикистон Республикаси Ҳукумати ҳузуридаги Aтроф-муҳитни муҳофаза қилиш қўмитаси раиси Б.Шерализода билан учрашуви бўлиб ўтди.
Учрашувда икки томонлама муносабатларнинг барча йўналишлари ва атроф-муҳитни муҳофаза қилиш соҳасидаги ҳамкорликни ривожлантириш истиқболлари атрофлича муҳокама қилинди. Томонлар ҳукуматлар томонидан экологик вазиятни яхшилаш бўйича кўрилаётган чора-тадбирлар ва ташаббуслар юзасидан фикр алмашдилар.
06. 05. 2022
Xalqaro hamkorlik