Ijtimoiy tarmoqlarda Toshkent shahar, Yunusobod tumani, "Ahmad Donish" MFY qurilish kompaniyalaridan birining ishchi xodimi ichimlik suvida mashina yuvayotgani aks etgan xabar tarqaldi. 

Mazkur holat zudlik bilan Ekologiya vazirligi Toshkent shahar boshqarmasi davlat inspektorlari tomonidan nazoratga olinib, o'rganib chiqildi. 

O'rganish natijasida ishchi xodimga nisbatan MJtKning 72-moddasiga binoan ma'muriy bayonnoma rasmiylashtirilib, jarima belgilandi. 

Shuningdek, shu va shunga o'xshash holat qayta sodir etilmasligi yuzasidan fuqaroga nisbatan davlat inspektorlari tomonidan qat'iy ogohlantirish ishlari olib borildi.