Давлат экология қўмитаси томонидан Ўзбекистон Республикаси Президентининг 2020 йил 29 сентябрдаги «Маиший ва қурилиш чиқиндилари билан боғлиқ ишларни бошқариш тизимини янада такомиллаштириш чора-тадбирлари тўғрисида»ги ПҚ-4845-сонли қарорининг  4.4-бандига мувофиқ маиший чиқиндиларни ташиш, саралаш, утилизация қилиш ва қайта ишлаш учун тегишли технология ва қувватларга эга кластерларнинг рўйхати ва уларга хизмат кўрсатиш учун бириктириб берилган ҳудудлар тўғрисидаги маълумотлар шакллантирилди.

Шунингдек, республикада маиший чиқиндиларни ташиш, саралаш, утилизация қилиш ва қайта ишлаш учун тегишли технология ва қувватларга эга кластерлар сони 16 тани, жумладан, Қорақалпоғистон Республикасида 1 та, Бухоро вилоятида 2 та, Жиззах вилоятида 1 та, Қашқадарё вилоятида 1 та, Навоий вилоятида 1 та, Наманган вилоятида 1 та, Сурхондарё вилоятида 1 та, Андижон вилоятида 1 та, Хоразм вилоятида 2 та, Фарғона вилоятида 4 та ҳамда Тошкент вилоятида 1 тани ташкил қилади.

Бугунги кунга қадар юқорида кўрсатилган кластерлар томонидан жами 15 та чиқиндиларни саралаш линиялари ва 68 та чиқиндиларни қайта ишлаш ускуналари ишга туширилди ҳамда жами 847 та махсус техника воситалари ёрдамида аҳолига маиший чиқиндиларни ташиб кетиш хизматлари кўрсатилмоқда.

Давлат экология қўмитаси томонидан ташкил қилинган маиший чиқиндиларни ташиш, саралаш, утилизация қилиш ҳамда қайта ишлаш учун тегишли технология ва қувватларга эга кластерларнинг 
РЎЙХАТИ

Давлат экология қўмитаси
Матбуот хизмати