Алжир ва Саудия Арабистони аҳолиси камёб ҳодиса – қор ёғишининг гувоҳи бўлдилар. Сўнгги 40 йил ичида биринчи марта Сахара саҳросидаги ҳаво ҳарорати -2 градус даражага тушиб кетди.

TSA газетаси маълумотларига кўра, қор якшанба куни эрталаб саҳронинг шимолий қисмидаги Айн-Сефра шаҳарчаси ҳудудида бошланган. Жами 40 см га яқин ёғингарчилик тушган. Кун охирига келиб қор эрий бошлаган.

Ўтган йили Айн-Сефра ҳудудларида кучли қор ёғиши қайд этилган. Ўша вақтларда қор мазкур ҳудудда 1979 йилдан буён илк марта ёғганлиги маълум қилинган эди.

Фотосуръатчи Карим Бушета камераси нигоҳида саҳродаги қор тасвирлари.

Манба: TSA

Давлат экология қўмитаси
Матбуот хизмати