2019 йил 16 май куни Ўзбекистон экологик ҳаракати 2030 йилгача Ўзбекистон Республикасининг атроф-муҳитни муҳофаза қилиш миллий концепцияси (кейинг ўринда Миллий концепция) лойиҳаси бўйича жамоатчилик муҳокамасини ўтказди.

Йиғилишда Қонунчилик палатаси депутатлари, Экология ва атроф муҳитни муҳофаза қилиш давлат қўмитаси, қатор вазирлик ва идоралар, жамоат ташкилотлари ва оммавий ахборот воситалари вакиллари иштирок этдилар.

Ўзбекистон Республикасининг 2030 йилгача бўлган даврда атроф-муҳитни муҳофаза қилиш бўйича Миллий концепциясининг лойиҳаси Ўзбекистон Республикаси Президентининг 2018 йил 2 февралдаги Фармонига асосан Ўзбекистон Республикаси Экология ва атроф муҳитни муҳофаза қилиш давлат қўмитаси томонидан ишлаб чиқилган.

Атроф-муҳитни муҳофаза қилиш соҳасидаги давлат сиёсатининг асосий йўналишлари фуқароларнинг саломатлиги ва келажак авлодлар саломатлиги учун қулай шароитда яшаш ҳуқуқини таъминлаш ва атроф муҳитни ҳаддан зиёд салбий антропоген таъсирдан ҳимоя қилишдир.

Атроф муҳитнинг ҳозирги ҳолатини таҳлил қилиш, глобал ва минтақавий экологик муаммолар, янги экологик таҳдидлар Ўзбекистон Республикасида аҳолининг турмуш сифатини яхшилашнинг ижтимоий-иқтисодий жараёнининг ажралмас қисми бўлган Мамлакатни сақлаш консепсиясини ривожлантириш заруриятига олиб келди:

• экологик жиҳатдан қулай яшаш муҳити;
• атмосфера ҳавоси ва эр ости бойликлари;
• табиий комплексларнинг яхлитлиги;
• ер ва сув ресурсларининг мақбул сифатини таъминлаш бўйича бир қатор чора-тадбирларни амалга ошириш;
• биологик ва ландшафт турларини сақлаш;
• табиий ресурсларни муҳофаза қилиш ва тиклаш;
• ҳудудларнинг экологик барқарорлигини ошириш;