Ўзбекистон Республикаси Президентининг «2020-2022 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш чора-тадбирлари тўғрисида» 2020 йил 10 январдаги 4565-сон қарорига мувофиқ Давлат экология қўмитасининг Тошкент шаҳар, Чилонзор тумани, Бунёдкор шоҳ кўчаси, 7а-уй манзилида жойлашган бинони реконструкция қилиш учун 2020 йил 26 июнь кунидаги танлов (тендер) савдолари якуни бўйича «Шуҳрат максимал сервис» МЧЖ ғолиб деб топилиб, юқорида баён этилган бинони реконструкция қилиш бўйича бош пудратчи ташкилот этиб белгиланди.

Жорий йил 10 май куни Давлат экология қўмитаси раиси Ш. Абдуразаков мазкур бинонинг таъмирлаш лайиҳаси билан яқиндан танишди. Шу куннинг ўзида маҳалла фаоллари, соҳа ходимлари ва қурувчилар анъаналаримизга кўра таъмирлаш ишларининг хайрли ўтишига эзгу тилак билдиришди.
 

Давлат экология қўмитаси
Матбуот хизмати