Xalqaro biologik xilma-xillik kuni munosabati bilan O‘zbekiston Respublikasi Tabiat resurslari vazirligi, “Ekomaktab” ekologik resurs markazi va “Barkamol avlod” Respublika bolalar maktabi hamkorligida “O‘zbekistonning biologik xilma-xilligi go‘zalligi” ijodiy rasmlar tanlovi o‘tkazildi.

2023-yil 21-may kuni tanlovda ishtirok etgan yosh ekologlar Brichmul o‘rmon xo‘jaligiga borib, u yerda O‘zbekistonning noyob o‘simlik va hayvonot dunyosining asosiy vakillari bilan tanishdilar, qo‘riqxona va milliy tabiatda biologik xilma-xillikni yo'q qilishga qanday tahdidlar borligi va uni saqlab qolish borasida ma’lumot oldilar. 

Yosh ekologlar uchun eng muhim kashfiyot atrof-muhit va odamlarning farovonligida hal qiluvchi rol o'ynaydigan biologik xilma-xillikning ahamiyati haqidagi bilim edi.
Havaskor ijodkorlarga Ugom-Chotqol milliy tabiat bog‘i tog‘li relyefining go‘zalligini yanada yorqinroq va rang-barang aks ettirish, biologik xilma-xillikning eng yorqin obyektlarini ajratib ko‘rsatish maqsadida navbatdagi plenerini tabiat qo‘ynida o‘tkazish imkoniyati berildi.

Tadbirning ma’rifiy qismidan so‘ng ishtirokchilar o‘rmon xo‘jaligi xodimlari hamrohligida tog‘li yo‘lak bo‘ylab sayr qilishdi va u yerda o‘sayotgan turli daraxtlar bilan tanishdilar. 

Ta’kidlash kerakki, ekologik ta’lim sohasida yosh avlod bilan ishlash mamlakatimizning barqaror rivojlanishi va atrof-muhitni asrab-avaylashning asosidir.