Давлат экология қўмитаси томонидан Ўзбекистон Республикаси Президентининг 2020 йил 29 сентябрдаги «Маиший ва қурилиш чиқиндилари билан боғлиқ ишларни бошқариш тизимини янада такомиллаштириш чора-тадбирлари тўғрисида»ги ПҚ-4845-сонли Қарори ижросини таъминлаш юзасидан республиканинг барча ҳудудларида маиший чиқиндилар билан боғлиқ ишларни давлат-хусусий шерикликнинг янги модели асосида бошқариш бўйича лойиҳа концепциялари ишлаб чиқилмоқда.
2021 йилнинг I-ярим йиллигида жами 35 та лойиҳа, жумладан Андижонда 7 та, Самарқандда 1 та, Сирдарёда 2 та, Жиззахда 3 та, Қорақалпоғистон Республикасида 1 та, Сурхондарёда 2 та, Хоразмда 3 та, Қашқадарёда 7 та, Наманганда 1 та, Фарғонада 1 та ва Тошкент вилоятида 7 та давлат-хусусий шериклик лойиҳа концепциялари ишлаб чиқилиб, тадбиркорлик субъектлари учун эълонга қўйиш режалаштирилган.
Давлат eкология қўмитаси
Матбуот хизмати
