Мамлакатимизнинг барча ҳудудларида байрам тантаналари давом этмоқда. Хусусан, пойтахтимиздаги «Янги Ўзбекистон» боғида ҳам тадбирлар бўлиб ўтяпти. 2022 йилнинг дастлабки кунида ҳам каттю кичик Ватанимизнинг бош арчаси атрофида концерт дастурлари ва театрлаштирилган томошаларга гувоҳ бўлишди.

Бундай пайтларда атроф-муҳитнинг озодалигини сақлаш, экологик осойишталикни таъминлаш муҳим аҳамият касб этади. Шу муносабат билан Давлат экология қўмитаси инспекторлари экопатруль бўлинмалари билан ҳамкорликда дам олувчиларга қулай шароит яратиш учун мунтазам хизмат олиб боришяпти. Уларнинг фаолиятини эса қўмита мутасаддилари қатъий назоратга олишган.

Давлат экология қўмитаси
Матбуот хизмати