Davlat ekologiya qo‘mitasi Ishchi guruhi bu safar Jizzax viloyati tomon yo‘l oldi. Rais o‘rinbosari rahbarligidagi Ishchi guruhi xizmat safari davomida O‘zbekiston Respublikasi Prezidentining 2020 yil 29 sentyabrdagi «Maishiy va qurilish chiqindilari bilan ishlarni boshqarish tizimini yanada takomillashtirish chora-tadbirlari to‘g‘risida» PQ-4845-sonli qarori ijrosi yuzasidan viloyatda amalga oshirilishi lozim bo‘lgan chora-tadbirlar, sanitar tozalash xizmatlari sifatini yaxshilash, mahallalar, xonadonlarda yechimini kutayotgan muammoli masalalarni hal qilish, aholi farovonligi oshirishga qaratilgan bir qancha seminar va uchrashuvlar o‘tkazdi.

Davlat ekologiya qo‘mitasi
Matbuot xizmati