Tanlov doirasida ishtirokchilar, o‘zlarining ijtimoiy tarmoqlardagi sahifalarida #yoshlartravel, #uzbtravel #uzbekistantravel #TITF_2022 heshteglari bilan eʼlon qilingan video materiallarni joylashtiradi.

G‘oliblar ijtimoiy tarmoqlarda (Facebook, Instagram, TikTok) joylashtirilgan video materiallarga to‘plangan “like”lar soni bo‘yicha aniqlanadi.

Ishtirokchilar ijtimoiy tarmoqda joylashtirayotgan videoroliklari bo‘yicha quyida keltirilgan ijtimoiy tarmoqlaridagi sahifalariga (Instagram - @uzb_travel, Facebook – Uzbekistan Travel va Tiktok - uzb.travel) obuna bo‘lishlari lozim.

Tanlovda har bir ijtimoiy tarmoq bo‘yicha (Facebook, Instagram, TikTok) 1 nafardan g‘oliblari aniqlanadi va umumiy hisobda 3 ta ishtirokchilarga tashkilotchilar tomonidan g‘oliblik sertifikati va notebook (i5/15.6 FHG/8GB DDR4 3200/SSD 256GB litsenziyalangan windows 10) topshiriladi.

G‘oliblarni taqdirlash marosimi 2022-yil 30-noyabrdan – 2 dekabrga qadar bo‘lib o‘tadigan Ipak yo‘lidagi turizm-2022 27-Toshkent xalqaro turizm yarmarkasi doirasida bo‘lib o‘tadi.

Ushbu havola orqali Tanlov Nizomi bilan tanishib chiqishingiz mumkin.