Joriy yilning 29-mart kuni Sirdaryo daryosida, Toshkent viloyati Ekologiya va atrof muhitni muhofaza qilish boshqarmasi, viloyat bo`yicha Milliy Gvardiya boshqarmasi hamda IIB bilan birgalikda tezkor ekoreyd tadbiri tashkillashtirildi.
Reyd natijasida noqonuniy baliq ovi bilan shug`ullanuvchi 6 nafar fuqaro tomonidan daroyoga to`rlar tashlangani aniqlandi. Hozlat yuzasidan huquqbuzar fuqarolarga nisbatan O`zbekiston Respublikasi MJtKning 90-moddasi 1-qismi bo`yicha umumiy miqdorda 8 mln 100 ming so`m jarima belgilandi.
Ashyoviy dalil sifatida: 2 dona qayiq va 4 dona 100 metr uzunlikdagi to`rlar olib qo`yildi.
Hurmatli Fuqarolar, ona tabiatni asrash har birimizning burchimizdir!!!
Reyd tadbirlari davom etmoqda.
Toshkent viloyati Ekologiya va atrof-muhitni muhofaz qilish boshqarmasi axborot xizmati
