2021 yil 19 yanvar. Davlat ekologiya qo‘mitasi raisi A. Maksudov Surxondaryo viloyatiga xizmat safari doirasida Surxon davlat qo‘riqxonasida bo‘lib, qo‘riqxona faoliyati bilan tanishdi. Mutasaddilar bilan uchrashuv davomida qo‘riqxona faoliyatini takomillashtirish yuzasidan vazifalarni belgiladi.

Ma’lumot o‘rnida ta’kidlash zarurki, Surxon davlat qo‘riqxonasi o‘simlik va hayvonot dunyosiga nihoyatda boyligi bilan diqqatga sazovor. Qo‘riqxonada O‘zbekiston «Qizil kitobi»ga kiritilgan 26 turdagi sudralib yuruvchilar, 18 turdagi noyob hayvonlar va 136 turdagi qushlar uchraydi.

Davlat ekologiya qo‘mitasi
Matbuot xizmati