Республика бўйича сув истеъмоли таҳлил қилинадиган бўлса, чучук сувнинг 33 фоизи очиқ сув ҳавзалари (дарёлар, сойлар, сув омборлари ва бошқалар) ҳисобидан, қолгани ер ости сувларидан йиғиб олинади ва сув иншоотларида тозаланиб, сўнг аҳолига қувурлар орқали етказилади. Маълумот ўрнида айтиб ўтиш керакки, бир суткада Ўзбекистон аҳолисига 6 млн. 226 минг м3 сув етказиб берилмоқда. Сайёрамизнинг 4 дан 3 қисми, аниқроғи, 79 фоизи сув билан қопланган бўлса ҳам, унинг 6 фоизигина чучук сув, унинг ҳам 2-3 фоизи истеъмол учун яроқли, холос. Унинг ҳам 70 фоизи табиатда муз ҳолатида учрайди.