17 апрель 2020 йил. Ўзбекистон Республикаси Экология ва атроф муҳитни муҳофаза қилиш давлат қўмитаси раиси Шавкат Абдуразаков ва БМТнинг Тараққиёт дастурининг Ўзбекистондаги доимий вакили Матильда Димовски ўртасида онлайн мулоқот бўлиб ўтди.

Учрашув давомида томонлар ҳамкорлик кўламини кенгайтириш, мақсадли дастурлар ва лойиҳалар сонини кўпайтириш, аҳолининг экологик билим ва маданиятини шакллантириш, соҳада илғор халқаро тажрибаларни қўллаш, донор ҳамжамиятининг ресурсларини жалб қилиш борасида ишларни жадаллаштириш тўғрисада тўхталиб ўтилди.

Ўз навбатида БМТнинг Тараққиёт дастурининг Ўзбекистондаги доимий вакили Матильда Димовски мазмунли сухбат учун ўз миннатдорчилигини билдириб, учрашув икки томонлама ҳамкорликни янги босқичга олиб чиқишга ижобий ҳиссасини қўшишига ишонч билдирди.

Давлат экология қўмитаси
Ахборот хизмати