Environmental exptrtise
  • About activities
  • Functions and duties
  • Services
  • Legislation

Faoliyat haqida


O‘zbekiston Respublikasining “Ekologik ekspertizasi to‘g‘risida”gi qonuniga muvofiq, respublika hududida rejalashtirilayotgan yoki amalga oshirilayotgan xo‘jalik va boshqa xil faoliyatning ekologik talablarga muvofiqligini belgilash hamda ob’ektini ro‘yobga chiqarish mumkinligini aniqlash majburiy hisoblanadi.

Davlat ekologik ekspertizasini o‘tkazishni tashkil etish bo‘yicha vakolatli organ O‘zbekiston Respublikasi Ekologiya va atrof-muhitni muhofaza qilish davlat qo‘mitasi hisoblanib, davlat ekologik ekspertizasi qo‘mita tarkibidagi ixtisoslashtirilgan ekspert bo‘linmalari tomonidan amalga oshiriladi.

O‘zbekiston Respublikasi Prezidentining 2018 yil 3 oktyabrdagi “Ekologiya va atrof-muhitni muhofaza qilish sohasida davlat boshqaruvi tizimini takomillashtirish bo‘yicha qo‘shimcha chora-tadbirlar to‘g‘risida”gi PQ-3956-son qaroriga muvofiq, O‘zbekiston Respublikasi Ekologiya va atrof-muhitni muhofaza qilish davlat qo‘mitasi, Qoraqalpog‘iston Respublikasi Ekologiya va atrof-muhitni muhofaza qilish qo‘mitasi, viloyatlar va Toshkent shahar ekologiya va atrof muhitni muhofaza qilish boshqarmalari tarkibida davlat ekologik ekspertizasini o‘tkazish bo‘yicha “Davlat ekologik ekspertizasi markazi” davlat unitar korxonalari 100 foiz davlat ulushi hisobidan ta’sis etilgan.

O‘zbekistonda davlat ekologik ekspertizasini o‘tkazish bundan 23 yil avval, ya’ni 1997 yili joriy etilgan. Aytish kerakki, o‘tgan yillar davomida ushbu yo‘nalishda ko‘plab samarali ishlar amalga oshirildi. Xususan, “Davlat ekologik ekspertizasi markazi” DUK tomonidan 2006 yildan 2020 yilga qadar atrof muhitga ta’sir ko‘rsatishning I, II, III, IV-toifalariga mansub bo‘lgan korxona va tashkilotlarning 18 043 tasiga ijobiy xulosalar taqdim etilgan, 4 269 tasiga esa  xulosalar qayta ishlash uchun qaytarilgan.

Funktsiya va vazifalar


Davlat ekologik ekspertizasining asosiy funktsiyasi rejalashtirilayotgan yoki amalga oshirilayotgan faoliyatning ekologik talablarga muvofiqligini belgilash hamda faoliyatni amalga oshirish mumkinligini aniqlashdan iborat.

Ekologik ekspertizaning eng asosiy vazifalaridan biri atrof tabiiy muhit va aholining hayoti va sog‘ligiga xavfli va zararli ishlab chiqarish va xo‘jalik ob’ektlarining ta’sirlarini oldini olish, bartaraf etish bilan bog‘liq chora-tadbirlarni amalga oshirishdan iboratdir.

Davlat ekologiya qo‘mitasining ixtisoslashtirilgan ekspert bo‘linmalari davlat ekologik ekspertizasini tashkil qiladi va o‘tkazadi, davlat va jamoat ekologik ekspertizasi bo‘yicha normativ-texnik va ko‘rsatma-uslubiy hujjatlarni ishlab chiqadi va tasdiqlaydi. Shuningdek, atrof muhitga ta’sirni baholash bo‘yicha materiallarni ko‘rib chiqish va xo‘jalik yurituvchi sub’ektlar uchun atrof-muhitga ta’sirni baholash bo‘yicha xulosalar beradi, davlat ekologik ekspertizasi bo‘yicha axborot-tahliliy materiallarni tayyorlaydi, davlat tomonidan atrof-muhitga ta’sirni baholash, tahlil qilish va o‘tkazish bo‘yicha ishlarni tashkil etishda uslubiy yordam ko‘rsatadi.

Xizmatlar


Davlat ekologiya qo‘mitasi tarkibidagi ixtisoslashtirilgan ekspert bo‘linmalari tomonidan atrof muhitga ta’sir ko‘rsatishning I, II, III va IV toifalariga mansub faoliyat turlarini ekologik talablarga muvofiqligini aniqlash, atrof muhitga ta’sir ko‘rsatish materiallari yuzasidan davlat ekologik ekspertizasi xulosalarini tayyorlash va taqdim etish O‘zbekiston Respublikasi Vazirlar Mahkamasining 2020 yil 7 sentyabrdagi “Atrof-muhitga ta’sirni baholash mexanizmini yanada takomillashtirish to‘g‘risida”gi 541-son qarori 1-ilovasiga muvofiq amalga oshiriladi.

O‘zbekiston Respublikasi Vazirlar Mahkamasining 2020 yil 7 sentyabrdagi “Atrof-muhitga ta’sirni baholash mexanizmini yanada takomillashtirish to‘g‘risida”gi 541-son qarori ijrosidan kelib chiqib 2020 yilning 1 oktyabridan Davlat ekologiya qo‘mitasining www.eco-service.uz veb-sayti orqali davlat ekologik ekspertizasidan o‘tkazishning elektron hujjat almashinuvining yagona tizimi ishga tushirildi. Mazkur yagona tizimga hududiy davlat ekologik ekspertizasi markazlari integratsiya qilinib, atrof-muhitga ta’sir ko‘rsatishning IV toifasiga mansub, ya’ni mahalliy ta’sir ko‘rsatadigan faoliyat turlari bo‘yicha elektron anketa shaklida arizani to‘ldirish dasturiy yechimlar amalga oshirildi. Ushbu yangilik hisobiga buyurtmachilarga shaxsiy kabinetida tegishli yo‘riqnomaga amal qilib, oson, qiyinchiliksiz davlat ekologik ekspertizasidan o‘tkazish uchun arizani yuborishiga barcha dasturiy qulayliklar yaratildi.

Qonunchilik


Davlat ekologiya qo‘mitasi tarkibidagi ixtisoslashtirilgan ekspert bo‘linmalari o‘z faoliyatini korxona to‘g‘risidagi Nizom, O‘zbekiston Respublikasining “Ekologik ekspertizasi to‘g‘risida”gi va «Tabiatni muhofaza qilish to‘g‘risida»gi qonunlari, O‘zbekiston Respublikasi Prezidentining 2018 yil 3 oktyabrdagi “Ekologiya va atrof-muhitni muhofaza qilish sohasida davlat boshqaruvi tizimini takomillashtirish bo‘yicha qo‘shimcha chora-tadbirlar to‘g‘risida”gi PQ-3956-son qarori, O‘zbekiston Respublikasi Vazirlar Mahkamasining “Atrof-muhitga ta’sirni baholash mexanizmini yanada takomillashtirish to‘g‘risida” 2020 yil 7 sentyabrdagi 541-son, “Ekologik normativlar loyihalarini ishlab chiqish va kelishish tartibi to‘g‘risidagi Nizomni tasdiqlash haqida” 2017 yil 21 yanvardagi 1-son qarorlari hamda boshqa normativ-huquqiy hujjatlarga muvofiq amalga oshiradi.

  • Map
  • Protected natural areas
  • Open data
  • Contacts

«Davlat ekologik ekspertizasi markazi» DUK
   

Direktor (v.b.) Yuldashev
Soxib Sergeevich
(+988) 71 207 07 70
(ichki raqam 2000#)
Direktor o‘rinbosari (vakant) (+998) 71 207 07 70 
(ichki raqam 2222#)
Bo‘lim boshlig‘i Bekmirzaeva
Karina Melisovna
(+998) 71 207 07 70
(ichki raqam 2017#)
Bo‘lim boshlig‘i Musaev
Farrux Gulyamdjanovich
(+998) 71 207 07 70
(ichki raqam 2020#)
Bo‘lim boshlig‘i Saidmaxmudova
Anastasiya Leonidovna
(+998) 71 207 07 70
(ichki raqam 2017#)
Bosh  buxgalter Murtazoev
Sardor Bahodir o‘g‘li
(+998) 71 207 07 70
(ichki raqam 2002#)
Ijro intizomi bo‘yicha
bosh mutaxassis
Fayzieva
Rinata Shavkatovna
(+998) 71 207 07 70
(ichki raqam 2023#)
Kadrlar bo‘yicha
bosh mutaxassis
Alieva
Yulduz Rixsievna
(+998) 71 207 07 70
(ichki raqam 2030#)


Elektron pochta: boshdavecoekspertiza[at]uznature.uz

Telegram: +989 90 002 04 74