Hodisalar

Ro'yxatdan o'gan foydalanuvchilar: 2 ta

Mexmonlar: 7 ta

 

Yagona telefon raqamlari:  

+99871 236-26-66

Tartib ko’chirish

Мы в социальных сетях:

Facebook Twitter Telegram


Bosh sahifa > BO'SH ISH O'RINLARI

BO'SH ISH O'RINLARI

O‘zbekiston Respublikasi Ekologiya va atrof-muhitni muhofaza qilish davlat qo‘mitasi Markaziy apparatida mavjud bo‘sh ish o‘rinlari to‘g‘risida

 

1. O‘zbekiston Respublikasi Ekologiya va atrof-muhitni muhofaza qilish davlat qo‘mitasi Markaziy apparati quyidagi bo‘sh ish o‘rinlariga mutaxassislarni taklif etadi:

  • O‘zbekiston Respublikasi Ekologiya va atrof-muhitni muhofaza qilish davlat qo‘mitasi markaziy apparatining Ekologiya, atrof-muhitni muhofaza qilish va chiqindilar bilan ishlash jamg‘armasi bo‘limi boshlig‘i.
  • O‘zbekiston Respublikasi Ekologiya va atrof-muhitni muhofaza qilish davlat qo‘mitasi Suv, yer resurslari va yer osti boyliklarini muhofaza qilish boshqarmasi bosh mutaxassisi.
  • O‘zbekiston Respublikasi Ekologiya va atrof-muhitni muhofaza qilish davlat qo‘mitasi Xalqaro hamkorlik va loyihalar bo‘limi bosh mutaxassisi.
  • O‘zbekiston Respublikasi Ekologiya va atrof-muhitni muhofaza qilish davlat qo‘mitasi Sanitar tozalash sohasidagi ishlarni muvofiqlashtirish va tashkillashtirish bosh boshqarmasi huzuridagi Sanitar tozalash sohasida normativ-huquqiy hujjatlar ishlab chiqish va metodologiya bo‘limi yetakchi mutaxassisi.
  • O‘zbekiston Respublikasi Ekologiya va atrof-muhitni muhofaza qilish davlat qo‘mitasi Yig‘ma-axborot tahlil boshqarmasi boshlig‘i.
  • O‘zbekiston Respublikasi Ekologiya va atrof-muhitni muhofaza qilish davlat qo‘mitasi Yig‘ma-axborot tahlil boshqarmasi yetakchi mutaxassisi.

 

2. Yuqorida ta’kidlab o‘tilgan lavozimlarga talabgorlar quyidagi talablarga javob berishlari lozim:

– bo‘sh ish o‘rni lavozimiga muvofiq oliy ma’lumot;

– mazkur sohada 4-5 yillik mehnat staji, shuningdek boshqaruv organlarida 2-3 yillik mehnat staji;

– o‘zbek, rus va ingliz tillarini mukammal egallagan bo‘lishi (erkin so‘zlasha bilish va yoza olish);

– axborot-kommunikatsiya texnologiyalari va kompyuter bilan ishlash ko‘nikmasiga ega bo‘lish;

– tashabbuskorlik, tashkilotchilik qobiliyati, mantiqiy fikrlash, jamoa bilan, shuningdek tang vaziyatlarda ishlay bilish mahorati.

3. O‘zbekiston Respublikasi Ekologiya va atrof-muhitni muhofaza qilish davlat qo‘mitasida ish olib borish shartlari:

Ish vaqti

O‘zbekiston Respublikasi Mehnat kodeksining 115-moddasi va O‘zbekiston Respublikasi Ekologiya va atrof-muhitni muhofaza qilish davlat qo‘mitasi Jamoatchilik shartnomasining 30-bandiga muvofiq, Qo‘mita xodimlariga haftada davomiyligi 40 soatdan iborat besh ish kuni hamda ikki kunlik dam olish (shanba va yakshanba) kunlari belgilangan.

Qo‘mita markaziy apparatida ish kuni ertalab soat 9-00 dan kech soat 18-00 ga qadar davom etgani holda, tushlik qilish va dam olish uchun 1 soat – 13-00 dan 14-00 gacha vaqt belgilangan. Bayram oldi (ish kuni sanalmagan) kunlari ish vaqti barcha xodimlar uchun bir soatdan kam bo‘lmagan vaqtga qisqartiriladi.

Boshqaruv xodimlari uchun me’yordagi ish kuniga qo‘shimcha ravishda qonunchilikda belgilangan tartibda ish vaqti belgilanishi mumkin.

Ish haqi va moddiy rag‘batlantirish

Ish haqi mehnat shartnomasiga muvofiq belgilanadi. Ish haqi qonunchilikda belgilangan mehnatga haq to‘lashning Yagona tarif setkasi birinchi razryadidan kam bo‘lmagan miqdorda to‘lanadi.

Qo‘mita xodimlarining moddiy ta’minoti quyidagilardan iborat:

– egallab turgan lavozimiga muvofiq oylik ish haqi;

– Qo‘mita tizimida uzoq yillar davomida faoliyat yuritgan xodimlarga oylik ustama haq to‘lash tartibi to‘g‘risidagi Nizomga muvofiq, har oyda mavjud lavozim maoshiga qo‘shimcha ustama haq to‘lash;

– yilda bir marotaba taqdim etiladigan mehnat ta’tiliga to‘lanadigan bir martalik pul mablag‘i (bir oylik maosh miqdorida);

–  moddiy yordam;

– o‘ta muhim va murakkab topshiriqlarni bajarganlik uchun pul mukofoti;

– qonunchilikda nazarda tutilgan boshqa to‘lovlar, ustama haq va rag‘batlantiruvchi to‘lovlar.

Mehnat ta’tili

Qo‘mita xodimlariga yilda bir marotaba taqdim etiladigan mehnat ta’tili uchun to‘lanadigan haq, asosiy va qo‘shimcha ta’til to‘lovlaridan kelib chiqqan holda amalga oshiriladi.

Qo‘mita markaziy apparati xodimlariga taqdim etiladigan mehnat ta’tili quyidagi tartibda amalga oshiriladi:

– boshqaruv xodimlari uchun: yilda bir marotaba 15 ish kunini tashkil qiladigan asosiy mehnat ta’tili va 9 ish kunidan iborat qo‘shimcha ta’til, jami – 24 ish kuni;

– texnik xodimlar uchun: yilda bir marotaba 15 ish kunini tashkil qiladigan asosiy mehnat ta’tili va 6 ish kunidan iborat qo‘shimcha ta’til, jami – 21 ish kuni;

– xizmat ko‘rsatuvchi xodimlar uchun: yilda bir marotaba 15 ish kunini tashkil qiladigan asosiy mehnat ta’tili va 3 ish kunidan iborat qo‘shimcha ta’til, jami – 18 ish kuni.

4. Hujjatlar quyidagi manzil bo‘yicha qabul qilinadi: Toshkent shahri, To‘y-tepa ko‘chasi, 2a-uy. Kadrlar bo‘limi, bog‘lanish uchun telefon raqami: (371) 207-07-70 (1021#).

5. Hujjatlarni qabul qilish joriy yilning 15-dekabridan 31-dekabriga qadar davom etadi.

Hujjatlar dam olish (shanba va yakshanba) va bayram kunlaridan tashqari, har kuni soat 10-00 dan 17-00 ga qadar qabul qilinadi.

6. Talabgor O‘zbekiston Respublikasi ekologiya va atrof-muhitni muhofaza qilish davlat qo‘mitasiga quyidagi hujjatlarni taqdim etadi:

a) ariza (shaxsan o‘z qo‘li bilan yozilgan);

b) (3x4sm.) fotosurat ilova qilingan, to‘ldirilib imzolangan ma’lumotnoma (ma’lumotnoma shaklini havola orqali yuklab olish mumkin).

v) pasport nusxasi yoki uning o‘rnini bosuvchi boshqa hujjat, o‘n olti yoshgacha bo‘lgan shaxslar uchun – tug‘ilganlik haqida guvohnoma va yashash joyidan ma’lumotnoma (tegishli hujjat tashkilotga kelgandan so‘ng taqdim etiladi)*;

 * O‘zbekiston Respublikasi Mehnat kodeksining 80-moddasiga asosan, ishga kirayotgan shaxsning pasporti haqiqiy bo‘lmasa, shuningdek ishga kirayotgan shaxs vaqtincha yoki doimiy ro‘yxatga olinmagan yo yashash joyi bo‘yicha hisobda turmagan bo‘lsa ishga qabul qilish rad etilishi mumkin.

g) zarur professional ma’lumot, ish staji va malakasini tasdiqlovchi hujjatlar:

ish (xizmat) joyidan kadrlar bo‘limi tomonidan yoki notarial tasdiqlangan mehnat daftarchasidan nusxa (ishga ilk marta joylashayotgan shaxslar bundan mustasno), yoki fuqaroning mehnat (xizmat) faoliyatini tasdiqlovchi boshqa hujjatlar;

ta’lim yoki malakani, shuningdek shaxsning istagiga ko‘ra, malaka oshirgani yoki qo‘shimcha professional ta’lim orqali malakaga ega bo‘lgani, ilmiy daraja va ilmiy unvoni to‘g‘risidagi hujjatlar ish (xizmat) joyidan kadrlar bo‘limi tomonidan yoki notarial tasdiqlangan hujjatlar nusxasi;

d) jamg‘arib boriladigan pensiya daftarchasidan nusxa (ishga ilk marta joylashayotgan shaxslar bundan mustasno);

e) jismoniy shaxsning O‘zbekiston Respublikasi hududidagi soliq organida ro‘yxatga olinganligi to‘g‘risidagi guvohnomadan nusxa;

j) harbiy guvohnoma yoki harbiy xizmatga majburligini tasdiqlovchi hujjatdan nusxa.

O‘zbekiston Respublikasi Mehnat kodeksining 84-moddasiga muvofiq, ishga qabul qilishda dastlabki sinov muddati ham belgilanishi mumkin.

7. Boshqa davlat tashkiloti yoki idoralarida xizmat qilayotgan xodim va xizmatchi bo‘sh ish o‘rinlarini to‘ldirishda ishtirok qilmoqchi bo‘lsa, u holda fuqaro tomonidan faqatgina ariza hamda o‘z qo‘li bilan to‘ldirilib imzolangan, davlat tashkilotining kadrlar bo‘limi tomonidan tasdiqlangan ma’lumotnomani (3x4sm.) fotosurat ilova qilgan holda taqdim etadi.

Bo‘sh ish o‘rnini to‘ldirish tartibi

O‘zbekiston Respublikasi Ekologiya va atrof-muhitni muhofaza qilish davlat qo‘mitasi markaziy apparati tomonidan murojaat etuvchi shaxsning professional darajasi ijobiy baholanib, lavozimga qo‘yiladigan malakaviy talablarga muvofiqligi aniqlanganidan so‘ng bo‘sh ish o‘rnini to‘ldirish amalga oshiriladi.

Talabgorlarni baholash ular tomonidan taqdim etilgan ta’lim (ma’lumoti), mehnat faoliyati, shuningdek qonunchilikka zid bo‘lmagan boshqa tartiblar va ularning kasbiy, professional va shaxsiy xususiyatlarini baholash usullari, jumladan suhbat o‘tkazish orqali amalga oshiriladi.

Suhbat dastlabki va yakuniy qismlarni o‘z ichiga oladi. Dastlabki suhbat Qo‘mita markaziy apparatining bo‘sh ish o‘rinlari mavjud bo‘lgan tarkibiy bo‘linmalari rahbarlari tomonidan o‘tkaziladi. Yakuniy suhbat esa Ekologiya va atrof-muhitni muhofaza qilish davlat qo‘mitasi raisi bilan bo‘lib o‘tadi.

Erkin tarzda bo‘lib o‘tadigan suhbat davomida talabgorga kelajakdagi professional xizmati faoliyati bilan bog‘liq mavzuga oid savollar beriladi.

Suhbat natijalariga ko‘ra, talabgorning bo‘sh ish o‘rniga muvofiqligi to‘g‘risida qaror qabul qilinadi.

Talabgorning roziligi bilan O‘zbekiston Respublikasi ekologiya va atrof-muhitni muhofaza qilish davlat qo‘mitasidagi bo‘sh ish o‘rnini to‘ldirish maqsadida kadrlar zaxirasiga kiritilishi ham mumkin.

FaylHajmi
Obyektivka namunasi78.5 KB

2016-12-04

Fotogalereya

ntesting mood

Hududiy qo'mitalari

Infografika